تسلم الأيادي ...... خلاص أنا من الليلادي
واخد قراري ماحدش هايقف قصادي ...
طول مانا قادر ع الكتابة .... أبياتي دي للأعادي
مافيش جوايا غير الأماني .... والله بجد هي إللي فضلالي ....
كل أمنية طالعة من قلبي وأتمني ربي يحققهالي
ظلم عشت فيه أيام وليالي ...
نجحتي وبامتياز بس كتير والله خسرانة ....
كفاية تعرفي إنك مش إنسانة ...
ومهما كسبتي برده خسرانة ..... تسلم الأيادي
الحلم عشته ... والقلب سبته .... يدور علي حبيب تاني
حبيب مش أناني ... دايما واقف كده أدامي ..
جنبي تملي ... هو ده حبيبي الأولاني ....
إللي إتمنيته ليالي .... عارفة وحاسه بيا ... وكلامي ليها شوية .... واخدة بالها ومن نظرة عنيها في كل ثانية .... بدوب أنا فيها أصلها واحدة تانية ..
مافيش منها .... في الدنيا ديا ...
تسلم الأيادي....
إني إتعلقت بيها ....
بقلم
محمد راشد