(( #حق_انتفاع ))

(( #حق_انتفاع ))
انت عايش في الدنيا حق انتفاع مش تمليك ..!!

هي دي الدنيا متلخصة في كلمتين انها بكل اللي فيها حق انتفاع مفيش حد يملك فيها اي حاجة ؛؛
معاك ورق ملكية لكل حاجة عندك شقتك ارض عربيتك حسابك في البنك ، وغيره وغيره ؛؛
#لكن_تعال_نفكر :
نفس الشقة اللي انت فيها من كام سنة كانت باسم والدك وبعد كام سنة ح تبقي باسم حد من ولادك صح ..!!
يبقي انت كنت عايش فيها حق انتفاع وبس لغاية ما تخلص رسالتك وبعدين تسيبها للي بعدك زي ما سابهالك اللي قبلك !!
الغريب أننا بنتخانق ونكره ويمكن نقتل بعض علي حاجات ربنا مسلفهالنا نقضي بيها كام يوم وبس ..!!
مفيش ملكية حقيقية في الدنيا مجرد ملكية وهمية ..!!
لو فهمت كده ح تعمل حاجات كتير حلوة ..!!
ح تنبسط باللي عندك وتعمل بيه اكتر حاجات حلوة تفرح بيها مع كل حبايبك حوش صح .. بحكمة طبعا لكن اوعي تقرطها علي نفسك وعلي غيرك ؛؛
كمان ح تبطل تتخانق علي حاجات تتحل بشوية تفاهم ..!! اخسر فلوس بس ما تخسرش راحة بالك واوعي تضيع عمرك علي حاجات هي في الاخر مش ملكك ؛؛
هتبسط اللي حواليك وتخليهم يفرحوا بوفرة عطاياك وافتكر ان كتير من اللي حوشناه يا رميناه يا نسينا انه عندنا يا تلف وباظ من كتر الخزين ياطلع ولد فاسد ضيعه ؛؛
افتكر ان الدنيا حق انتفاع استفيد منه وفيد بيه الناس علي قد ما تقدر وسيب سيرة حلوة يدعيلك الناس بسببها ؛؛